Logo

मेस्सीलाई उछिन्दै रोनाल्डो बने विश्वकै धनी खेलाडी


Cristiano-Ronaldo

२७ जेठ ।

चिरप्रतिद्वन्द्वी लिओनल मेस्सीलाई पछि पार्दै क्रिष्टियानो रोनाल्डो विश्वकै धनी खेलाडी बनेका छन् ।अमेरिकी पत्रिका फोर्ब्सले निकालेको धनी स्टार खेलाडीहरुको सूचीमा रोनाल्डो शीर्ष स्थानमा छन् भने बार्सिलोनाका मेस्सी भने दोस्रो स्थानमा छन् ।सन् २००० पछि पहिलो पटक धनी खेलाडीहरुको शीर्ष नम्बरमा गल्फका टाइगर वुडस् र बक्सर फ्लोइड मेवेदर जुनियर बाहेक अन्य खेलाडी परेका छन् । वुड्स १२ पटक शीर्ष स्थानमा रहे भने फ्लोइड मेवेदर चार पटक शीर्ष तीनमा रहेका थिए । तर, यो पटक उनीहरु दुबै टप १० मा पनि छैनन् ।रियल मड्रिड तथा पोर्चुगलका ३१ वर्षे स्टार रोनाल्डो ६०.६ मिलियन पाउण्डका साथ शीर्ष स्थानमा छन् । रोनाल्डोले बार्षिक तलब र बोनस गरेर रियल मड्रिडबाट ५० मिलियन डलर भन्दा बढी मात्र बुझ्छन् । उनका स्पोन्सरसिप सम्झौताहरु पनि थुप्रै छ । सामाजिक सञ्जालमा बढ्दो फलोअरले उनलाई यसमा फाइदा गरेको छ ।मेस्सी ५६.२ मिलियन पाउण्डका साथ दोस्रो स्थानमा छन् । मेस्सीले बार्सिलोनाबाट तलबका साथै बोनस पनि पाए । साथै गत जनवरीमा पाँचौं पटक बोलोन डि’ओर जितेपछि एडिडासबाट पनि उनले बोनस पाएका छन् । मेस्सीले एक वर्षमा मात्र विज्ञापनबाछ २८ मिलियन डलर कमाएका छन् ।धनी खेलाडीहरुको सूचीमा तेस्रो स्थानमा बास्केटबल खेलाडी लिब्रोन जेम्स छन् भने टेनिसका रोजर फेडेरर चौथो र पाँचौं स्थानमा अमेरिकी फुटबलर काम नेवटोन छन् ।१५ मिलियन पाउण्डसहित अमेरिकी टेनिस स्टार सेरेना विलियम्स धनी महिला खेलाडी बनेकी छन् ।१०० धनी खेलाडीहरुको सूचीमा २३ देशका १० खेल क्षेत्रका स्टारहरु परेका छन् । जसमा ६५ अमेरिकन छन् भने बेसबल प्लेयर सबैभन्दा बढी २६ छन् ।गल्फका टाइगर वुडस् १२ औं र बक्सर फ्लोइड मेवेदर जुनियर १६ औं नम्बरमा छन् । बार्सिलोनाका नेइमार २१, जाल्टन इब्राहिमोभिच २३, ग्यारेथ बेल २५ र लुइस स्वरेज ६५ औं स्थानमा छन् ।

प्रतिक्रिया दिनुहोस्