Logo

दाङ पुगेर पोख्रेलले भने -प्रतिष्ठान सातै प्रदेशमा


दाङ,भदौ २४ । नेपाल पत्रकार महासंघका उपाध्यक्ष बिपुल पोखरेलले ‘आम सञ्चार प्रतिष्ठान’लाई प्रदेश स्तर सम्मै पुर्याईने बताएका छन् ।

। नेपाल पत्रकार महासंघ दाङले शनिवार गरेको स्वागत सम्मान कार्यक्रममा उपाध्यक्ष पोख्रेलले पत्रकारिताको बिकासका लागि प्रशिक्षण केन्द्र आवश्यक रहेको र यसका लागि नेपाल पत्रकार महासंघले गम्भिर रुपले पहल गरिरहेको बताए । ‘सरकारकाले आम सञ्चार प्रतिष्ठान सञ्चालनको सहमती दिनासाथ यो प्रतिष्ठान केन्द्रमा मात्रै सिमित हुने छैन,’उनले भने ‘मोफसलको पत्रकारीताको बिकासका लागि यसलाई प्रदेश स्तर सम्मै पुर्याईने छ ।’

श्रमजीवि ऐनले व्यवस्था गरेको सेवा सुविधा प्रत्यक पत्रकारले पाउनु पर्ने व्यवस्थाका लागि अहिलेको महासंघ नेतृत्वको पुरै ध्यान केन्द्रीत भएको भन्दै पोख्रेलले ऐन कार्यान्वयन भएरै छोड्ने बताए । ‘श्रमजिवी पत्रकार ऐनले गरेको व्यवस्था कार्यान्वयनका लागि अहिलेको नेतृत्वको पुरै ध्यान केन्द्रीत छ,’उनले भने ‘ऐनले गरेको व्यवस्था भन्दा बाहिर कोहि पत्रकार पनि रहने छैन ।’ श्रमजीवि एने कार्यान्वयनका लागि सञ्चार गृह सबल बन्नु पर्ने बताउँदै उनले ऐन कार्यान्वयनसंगै सञ्चार गृहको बिकासका लागि पनि राज्यसंघ गम्भिर छलफल भैरहेको बताए ।
सञ्चार गृहलाई सेवा उद्योगको रुपमा मान्यता दिनु पर्ने बिषयलाई पनि महासंघले गम्भिरतापूर्वक लिएको छ । ‘मदिरा उद्योगले सेवा उद्योगको रुपमा मान्यता पाउँछ,’पोख्रेलले भने ‘तर सञ्चार उद्यमले सेवा उद्योगको मान्यता पाउँदैन, त्यसैले अब सञ्चार उद्यमलाई पनि सेवा उद्योगको मान्यता दिनु पर्छ भन्ने महासंघको अर्को नारा हो ।’ सबल सञ्चार माध्यमको रुपमा बिकास गर्नका लागि लोककल्याणकारी विज्ञापनलाई दोब्बर पार्ने र अनलाईन पत्रिकाहरुलाई समेत यो विज्ञापनको व्यवस्था गरिने पोख्रेलले बताए ।

‘लोककल्याणकारी विज्ञापनलाई दोब्बर बनाईनु पर्छ भन्नेमा हाम्रो अहिलेको लडाई हो,’उनले भने ‘साथै यो विज्ञापनको सुविधा अनलाईन पत्रिकाहरुलाई पनि गराईनु पर्छ भन्ने हाम्रो माग हो ।’ पत्रकार हकहितका सवालमा नेपाल पत्रकार महासंघले लिएका कार्यक्रम कार्यान्वयनक लागि निरन्तर सरकारसंग छलफल भैरहेको वताउँदै पोख्रेलले महासंघ आफ्नो मुद्धा कार्यान्वयन नहुँदा सम्म लडि रहने समेत वताए ।
कार्यक्रममा नेपाल पत्रकार महासंघका केन्द्रीय सचिव उदय जिएमले पत्रकारहरुको पेशागत,भौतिक सुरक्षाका लागि महासंघ गम्भिर रुपले लागिरहेको वताए । उनले पत्रकारहरु कसैले पनि असुरक्षित महशुस नहुने गरि ढुक्क भएर काम गर्ने वातावरण निर्माण गरिने दाबी समेत गरे ।

प्रतिक्रिया दिनुहोस्