Logo

राजनिति ब्यापारिकरण भयो -बरिष्ठ नेता पौडेल


मणि प्रसाद गैहे्, कपिलवस्तु ,असोज ५ । विभिन्न पार्टी परित्याग गरि कपिलवस्तुमा ३ हजार भन्दावढि नेता तथा कार्यक्रता नेपाली काग्रेसमा प्रवेश गरेका छन् । नेपाली कागे्रस कपिलवस्तुले चन्दौटामा राखेको विशाल आम सभा कार्यक्रममा राप्रपा पार्टीका शिवराज नगरपालिकामा मेयरका उमेद्धार अजय थापा सहित कागे्रसमा प्रवेश गरेका हुन । थापा लगायत थापाका सर्मथक प्रस्तावक तथा उनका कार्यकर्ताहरु प्रवेश छन् । काग्रेसका वरिष्ठ नेता रामचन्द्र पौडेललेनव प्रबेशीहरुलाई स्वागत गर्नुभएको थियो त्यस्तै नेपाल प्रहरीका पुर्व एस एस पी विक्रम सिंह थापा समेत रामचन्द्र पौडेलको हात वाट टिका लगाई कागे्रसमा प्रवेश गरेका छन । अजय थापाले लोकतान्त्रिक पार्टी नै देशको मुलआधार रहेको हुंदा आफु कागे्रसमा प्रव्श गरेको उनले बताए ।
कार्यक्रममा काग्रेसका वरिष्ठ नेता रामचन्द्र पौडेलले राजनितिलाई ब्यापारीककरण गरेको आरोप लागाउनुभयो । एमाले र माओवादीले राजनितिमा ब्यापारिकरण गरेको दावी गर्दै उहाँले निष्ठा र सिद्धान्तको राजनिति गर्ने दल नेपाली काग्रेस भएको स्पष्ट पार्नुभयो । उहाँले अव नेपालको विकास भनेको आर्थिक विकास भएको हुंदा कृषि,पर्यटन र रोजगारको क्षेत्रमा लगानी गर्नेमा आफुहरुले योजना बनाएको जानकारी दिनुभयो । पार्टी सभापति एवं पुर्व सिचांइ राज्य मन्त्री सुरेन्द्रराज आर्चायको अध्यक्षता र प्रकाश घिमिरेको संचालनमा सम्पन्न कार्यक्रममा सांसद अतहर कमल , पुर्व सांसद विष्णुराज आर्चाय, काग्रेस अर्घाखाची सभापति विष्णु मुस्कान , पुर्व पार्टी सभापति राजेश आर्चाय, सुधाकर पाण्डेय, काग्रेस नेता डां रुद्रप्रताप शाह ,क्षेत्रिय सभपति केशव कुमार श्रेष्ठ, गिरिजेश पाण्डेय, अकेल मिया ,महिला संघ केन्द्रिय सदस्य सुमित्रा शर्मा लगायतले वोलेका थिए । सो अवसरमा विभिन्न सास्कृतिक कार्यक्रम तथा वडा दशैके शुभकामना आदान प्रदान समेत गरिएको थियो ।

प्रतिक्रिया दिनुहोस्