मतदाताले सोधे लालबावुलाई फर्जी लालपूर्जा बाँडेर भोट माग्ने

सुकुम्वासी आयोगको अध्यक्ष रहदा लालवावुले फर्जी लालपूर्जा वितरण गरेको रहस्य खुल्यो एमालेका सुकुम्वासी नेता लालवावु पण्डितसँग उनकै क्षेत्रका सुकुम्वासी मतदाताहरु आक्रोसित देखिएपछि एमाले मोरङ आत्तिएको छ । तत्कालीन प्रधानमन्त्री मनमोहन अधिकारीको ९ महिने शासनकालमा सकुम्वासी आयोग मोरङको अध्यक्ष रहदा उनले विपन्न परिवारमा वितरण गरेको फर्जी लालपूर्जाले डंग्राहाका स्थानीयहरु चिन्तित देखिएका छन । मोरङ ६ मा पर्ने बुढीगंगा गाउँपालिका —७ साविक डंग्राहामा बसोवास गरिरहेका १ सय ५० घरधुरीलाई लालवावुले जग्गा धनी लालपूजा वितरण गरे । पूर्जामा त्यो लालपूर्जाले लामो समय सकुम्वासीलाई निकै राहतको महशुस भएको थियो ।

धेरै दिनपछि फुसको घरमा टिना लगाउन सहकारीमा ऋण लिन जादा सकुम्वासीहरुले पूर्जा फर्जी रहेको थाहा भयो । उनको पूर्जा फर्जी भेटिएपछि अरु सकुम्वासीले पनि पूर्जा नक्कली वा सक्कली हो भनि मालपोतमा ढट्टा भिडाउदा अभिलेख भेटिएन । १ सय ५० सकुम्वासीहरुकै अभिलेख मालापोतमा नभेटिएपछि उनीहरु निराश छन । लालपूर्जा पाएका स्थानीय ठकुप्रसाद वाँतरले भोटको लागी आफुहरुलाई एमाले नेता लालवावुले झक्याएको आरोप लगाए । उनले ८ घुर जमिन पाएकोमा धेरै खुशी थिए । १ टुक्रा जमिन पाएको भन्दै उनले पूर्जालाई बासकमा सुरक्षित राखेका थिए । एमालेलाई उनले भोट हालेको सुनाए । वाँतरले भने , म मात्र होइन डंग्राहामा वितरण गरिएको १ सय ५० घरपरिवारको लालपूर्जाको कुनै अभिलेख कार्यालयमा भेटिएको छैन ।

वडा न —७ का करिव ५ सय सुकुम्वासी मध्ये केहीलाई त्यो वेला पूर्जा वितरण गरिएको थियो । ऐलानी जग्गा र नहरको डीलमा उनीहरु बस्दै आएका छन । गरिव जनतालाई झुक्याएर एमालेले भोटको राजनीति गरेको स्थानीयवासी जयप्रकाश सरदारले आरोप लगाए । यता एमाले मोरङले मोरङ ६ मा सयौ परिवारलाई जग्गाधनी पूर्जा वितरण गरेको दावी गरेको छ ।

०५२ साल जेष्ठ ३१ गते वितरण गरिएको लालपूर्जामा तत्कालीन अध्यक्षको हैसियतले लालवावुको दस्तख्त छ । मोरङ ६ बाट बामगठबन्धनको उम्मेदवार बनेपछि सकुम्वासीहरुले यो मुद्धालाई उठान गरेका हुन । सोझा , साझा जनतालाई भ्रममा पारेर लालवावुले त्यहीवेलादेखी भोटको राजनीति गरेको वुढीगंगाका कांग्रेस नेता जितु थापामगरले आरोप लगाए । लालवावु भोट माग्न आउदा फर्जी लालपूर्जा उनलाई नै फिर्ता गर्ने तयारी सकुम्वासीहरुको छ । सरदारले भने , फर्जी लालपूर्जा जम्मा भैरहेको छ , सवै सकुम्वासीले जम्मा गरेपछि लालवावुलाई फिर्ता गरिदिने छौ ।