Logo

बैंक ठगीमा तीन पक्राउ


काठमाडौं । कृषी विकास बैंक न्यूरोड शाखा कार्यालयको चार करोड ९१ लाख रुपैयाँ हिनामिनामा शाखाकै कामु मुख्य प्रबन्धकलगायत कर्मचारीको मिलेमतो रहेको प्रहरी अनुसन्धानबाट खुलेको छ ।

प्रहरीको केन्द्रीय अनुसन्धान ब्यूरो (सीआईबी) ले थप तीन जना अनुसन्धान क्रममा रामेछाप नगरापालिका–८ का प्रेमहरि ढुंगेल, गोरखा पालुङटा स्थायी घर भएर टोखा बस्ने गोपाल गिरी र गोरखा बक्राङ घर भएर हाल चन्द्रागिरी बस्ने महेश्वर मरहठ्ठालाई पक्राउ गरेको हो ।

ढुंगेल न्यूरोड शाखाका तत्कालीन कामु मुख्य शाखा प्रबन्धक, गिरी इलेक्ट्रोनिक चेक क्लियरेन्स (ईसीसी) प्रमुख र मरहठ्ठा कर्जा प्रमुख रहेको प्रहरीले जनाएको छ।

यसअघि सीआईबीले बैंकको सहायक टेलर दिपिका रेग्मी, उनका सहयोगी रमेशकुमार थापा र दुर्गा ज्वलर्स बालाजुका सञ्चालक प्रकाश घतानीलाई नियन्त्रणमा लिएको थियो । अन्नपूर्ण पोस्ट्मा समाचार छ ।

प्रतिक्रिया दिनुहोस्