काठमाडौँ । 

एनआइसी एसिया लघुवित्त वित्तीय संस्था लिमिटेडको छैठौँ वार्षिक साधारणसभा सकिएको छ ।

शुक्रबार सुनसरीको धरानमा सम्पन्न भएको साधारणसभाले विभिन्न एजेन्डासहित आ.व. २०७९÷८० को सञ्चालक समितिको प्रतिवेदन, वार्षिक आर्थिक विवरण पारित गरेको छ ।

सभाले संस्थाका शेयरधनीहरूलाई चुक्ता पुँजीको १५ प्रतिशत लाभांश वितरण गर्ने प्रस्तावसमेत पारित गरेको छ । लाभांशमा करसहित २६ करोड ९ लाख १६ हजार रुपैया वितरण गर्ने भएको हो ।

साथै, सभामा प्रचलित कानुन तथा विद्यमान व्यवस्थाअनुसार सञ्चालन गरिएको निर्वाचनमार्फत संस्थापक एनआइसी एसिया बैंक लिमिटेडको तर्फबाट मनोनित भई प्रतिनिधित्व गरेका दीपक ढकाल सञ्चालक निर्वाचित भएका छन् ।

नवनिर्वाचित सञ्चालक ढकालले संस्थाका अध्यक्ष सन्तोषकुमार राठीसमक्ष शपथ लिए ।