Logo

फरमुल्ला मन्सुरको नजरमा: कांग्रेस पराजयका तीन कारण, सुधार दुई आधार


काठमाडौं । नेपाली कांग्रेसका नेता एंव श्रममन्त्री फरमुल्ला मन्सुरले नेपाली कांग्रेसले आन्तरिक रुपमा व्यवस्थापन गर्न नसकेका कारण पराजय भोग्नुपरेको बताएको छन् । उनले अब पार्टीलाई सुधारका लागि केन्द्रीय समितिको बैठकमार्फत समिक्षा तत्काल थाल्नुपर्ने बताएका छन् । विकास टाइम्ससंगको कुराकानीमा उनले अहिले पनि निर्वाचनमा पराजय भोगेपनि नेपाली काग्रेसका संस्थापक नेता वि पी कोइरालाले स्थापनाको बेला स्थापित मुल्य मान्यताले जितेको बताए । निर्दलिय ब्यबस्था र साम्यवादी व्यवस्थाका पक्षधरहरुहरु बहुदलिय ब्यबस्थामा सम्माहित भएको स्मरण गर्दै नेपाली कांग्रेसको सिद्धान्त आर्दशको जीत भएको बताए ।

उनले निर्वाचनको मुखमा निर्वाचनपछि पार्टी एकिकरण सम्म हुने गरि बामघटक बिच तालमेल हुँदा काग्रेसले जुन रणनिति अपनाउनु पर्थो त्यो अपनाउन नसकेका कारण पार्टीको प्रत्यक्ष तर्फको पोजिशन कमजोर भएको बताए । दुईवटा कम्युनिष्ट पार्टी मिल्दा समेत लोकतन्त्रवादी शक्तीका बिचको तालमेलमा काग्रेस तयार नभएकोमा नेता मन्सुरको गुनासो थियो । उनले राप्रपा र मधेशका दलहरुसंगको तालमेलमा पनि इमान्दार बनाउन नसकिएको बताए ।

श्रममन्त्री समेत रहेका नेता मन्सुरले कांग्रेसले प्रचार प्रसारको पनि उचित व्यवस्थापन गर्न नसकेको बताए । उनले भने– ‘कार्ययकर्ताको स्तरसम्म भावनात्मक रुपमा एकताको अभाव देखियो । अन्तर्घात जारी रह्यो । काग्रेसले अहिले सम्म गरेका बिकास निमार्ण आर्थिक तथा साामजिक रुपान्तरण गरेका प्रयास र संबिधान जारी गर्ने र कार्यन्वयन सम्म गरेका कामको प्रचार प्रसार गर्न सकेनौ ।’ कांग्रेस कमजोर भएको मुख्य आधार भनेको कम्युनिष्ट पार्टीको मत नै भएको मन्सुरको ठहर छ । उनले भने–‘ बामगठबन्धन भएपछि मतदाताले पनि इमान्दारिताका साथ मत हाले । बामगठबनधनको मत हाम्रो भन्दा बढी थियो ।’

उनले सामाजिक सञ्जालमा अनावश्यक पार्टी र नेता बिरुद्ध गाली गलोज गर्न छोडेर चुानवको समिक्षा गर्दै अब सुधारका लागि लाग्नुपर्ने बताए । उनले भने–‘०६४ मा आदरणिय नेता गिरिजाप्रसाद कोइरालालाले निर्वाचनको परिमाणपछि पार्टीलाई जिवन्त दिन जुन कदम चाल्नु भयो । त्यो आजपनि सान्दर्भिक छ । केन्द्रिय समिति बैठक बोलाउने निर्वाचननको समिक्षा गर्ने । बिधानले ब्यबस्था गरेअनुसार महासमिति बैठक बोलाउने र आम कार्यक्रर्ताको भावना अनुसार निति रणनिति तय गर्ने । जिल्ला जिल्लामा केन्द्रिय सदस्य तथा नेताहरुको नेतृत्वमा प्रतिनिधि खटाउने गाँउ बडा इकाई सम्म पार्टीका नेता कार्यक्रर्तासगं अन्तरक्रिया गर्ने पार्टी कमजोरी सच्चाउने । सबै तहको बैठक बोलाउने भातृसंगठनलाई पुर्णता दिएर परिचालन गर्ने, सात प्रदेशमा सके धेरै स्थानमा आमसभा गर्ने ।’ यी काम तत्काल गर्न सकेमा कांग्रेसले पुर्नजिवन पाउने नेता मन्सुरको भनाई छ ।

प्रतिक्रिया दिनुहोस्