Logo

मन्त्रीदेखि उपप्रधानमन्त्रीसम्मका २४ जना, जस्ले मन्त्रिपरिषद्को निर्णय अवज्ञा गरे


काठमाडौं । नियुक्त भएको तीन महिन बिते पनि दुई दर्जन मन्त्रीले सम्पत्ति विवरण बुझाएका छैनन् । उपप्रधानमन्त्री, मन्त्री र राज्यमन्त्रीले विवरण नबुझएर भ्रष्टाचार निवारण ऐनलाई चुनौति दिएका हुन् ।

उपप्रधानमन्त्री तथा ऊर्जामन्त्री कमल थापालसहित सात मन्त्री र १४ राज्यमन्त्रीले आफ्नै मन्त्रिपरिषदको निर्णय र भ्रष्टाचार निवारण ऐन अवज्ञा गर्दै विवरण बुझाउन आनाकानी गरेका छन् ।

प्रधानमन्त्री शेरबहादुर देउवाको अध्यक्षतामा केही समयअघि बसेको मन्त्रिपरिषद् बैठकले सबै मन्त्रीको सम्पत्ति विवरण सार्वजनिक गर्ने निर्णय गरेको थियो । ६४ मन्त्रीमध्ये २४ जनाले सम्पत्ति विवरण बुझाउ बाँकी रहेको प्रधानमन्त्री तथा मन्त्रिपरिषद कार्यालयले जनाएको छ ।

कार्यालयको वेबसाइटमा पनि ४० मन्त्रीले मात्रै विवरण बुझाएको उल्लेख छ । प्रधानमन्त्री तथा मन्त्रिपरिषद् कार्यालयका अनुसार उद्योगमन्त्री सुनीलबहादुर थापा, स्वस्थ्यमन्त्री दीपक बोहरा, आपूर्तिमन्त्री जयन्त चन्द, वन तथा भूसंरक्षणमन्त्री विक्रम पाण्डे, सहरी विकासमन्त्री दिलनाथ गिरी, खानेपानी तथा सरसफाइमन्त्री अम्बिका बस्नेतलगायतले विवरण बुझाएका छैनन् । अन्नपूर्ण पोस्ट्मा समाचार छ ।

प्रतिक्रिया दिनुहोस्