Logo

वाम गठबन्धनः दोस्रो तहका नेता शंकालु, तेस्रो तहका नेता सहयोगी


काठमाडौं । निर्वाचनमा गठबन्धन गरी पार्टी एकता गर्ने निर्णय गरेका नेकपा एमाले र नेकपा माओवादी केन्द्रबीच पार्टी एकताको औपचारिक पहल सुरुसँगै सिद्धान्तभन्दा नेतृत्वमा बढी विवाद देखिएको छ ।

दुवै पार्टीका नेता सिद्धान्तमा भन्दा एकीकृत पार्टी तथा सरकारको नेतृत्व कसले र कसरी गर्ने भन्ने विवादमा छन् । एकताको विषयमा एमाले अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल लचक देखिएका छन् । तर दोस्रो तहका नेता भने आपसमा विवादास्पद अभिव्यक्ति दिइरहेका छन् ।

ओली र दाहाल एकले अर्कालाई नेतृत्व सहजै छोड्नसमेत लचक छन् । तर दोस्रो तहका नेताले भने आफ्नै दलबाट नेतृत्व गरिनुपर्ने अभिव्यक्ति दिँदै आएका छन् । एकताको क्रममा आलोपालो नेतृत्व गर्ने, सामूहिक नेतृत्व गर्ने वा एक पार्टीले सरकार र अर्को पार्टीको नेतृत्वमा पार्टी संगठन चलाउने भन्ने विषयमा नै छलफल बढी केन्द्रित बनेको छ ।

दोस्रो तहका नेताहरू विवादित अभिव्यक्तिमा केन्द्रित भइरहँदा एकताकाका लागि गठित पार्टी एकता संयोजन समितिको शनिबार बस्ने तय भएको बैठकसमेत बस्न सकेन ।

राजधानीमा आयोजित कार्यक्रममा एमाले सचिव प्रदीप ज्ञवालीले शनिबार नै संयोजन समितिको बैठक बस्दै गरेको सार्वजनिक गरेका थिए । माओवादी नेताहरूका अनुसार माओवादी केन्द्रका अध्यक्ष दाहाल काठमाडौंबाहिर रहेका कारण उच्चस्तरीय बैठक बस्न नसकेको बताइएको छ ।

पार्टी एकताका पक्षमा दुवै पार्टीका दोस्रो तहका नेता भने शंकालुसमेत देखिएका छन् । राजधानीमा समाचार छ ।

प्रतिक्रिया दिनुहोस्