Logo

सगरमाथा विमानस्थलका लागि धमाधम रुख छपान


काठमाडौं । उदयपुरको त्रियुगा नगरपालिका– १ र २ जोगिदहस्थित प्रस्तावित सगरमाथा आन्तरिक विमानस्थल निर्माणको काम अघि बढेको छ । बहुप्रतिक्षारत उदयपुरको त्रियुगा नगरपालिका– १ र २ जोगिदहस्थित प्रस्तावित सगरमाथा आन्तरिक विमानस्थल निर्माणका लागि रुख छपानको काम सुरु गरिएको छ ।

नेपाल नागरिक उड्डयन प्राधिकरणद्वारा प्रस्तावित सगरमाथा आन्तरिक बिमानस्थलको भौतिक पूर्वाधार निर्माणका लागि वन क्षेत्रको जग्गा प्रयोग गर्न दिने वन तथा भू संरक्षण विभाग र नेपाल नागरिक उड्डयन प्राधिकरणबीच गत २४ माघमा सम्झौता भएपछि बिमानस्थल निर्माण हुने प्रक्रिया अघि बढेको हो ।

राष्ट्रिय योजना आयोगले सगरमाथा आन्तरिक विमानस्थललाई राष्ट्रिय प्राथमिकता प्राप्त योजनामा समावेश गरी काम बढाएको थियो । संस्कृति, पर्यटन तथा नागरिक उड्यायन मन्त्रालयले सगरमाथा विमानस्थल राष्ट्रिय प्राथमिकता प्राप्तमा राखेर काम अघि बढाएको थियो ।

निर्माण स्थलमा रहेका रुख कटान गर्न वन तथा भू संरक्षण बिभाग र नेपाल नागरिक उड्डयन प्राधिकरण बीच ०७८ माघ २४ गते भएको सम्झौतापछि रुख छपानको काम अघि बढेको हो । सम्झौतामा विमानस्थल निर्माणका लागि १ सय ५६ दशमलव ११ हेक्टर क्षेत्रफलमध्ये १ सय ५ दशमलव १० हेक्टरमा रहेको रुख मात्र छपान गरी हटाउने उल्लेख गरिएको छ । बाँकी रहेको ५० दशमलव ४१ हेक्टरको कटान गर्न नपाउने उल्लेख गरिएको छ ।

बिमानस्थल निर्माण गर्ने शिवालय धार्मिक वन उपभोक्ता समूहको ०।५२ हेक्टर क्षेत्रमा १७८ वटा रुख कटान गर्नु पर्ने कंग सामुदायिक वन उपभोक्ता समुहका ७२।३५ हेक्टर क्षेत्रमा १२ हजार ६ सय ३८ वटा रुख कटान गर्नु पर्ने र मोतियाही सामुदायिक वन उपभोक्ता समूह ८३।२४ हेक्टर क्षेत्रमा ५ हजार ६ सय ७ वटा रुख कटान गर्नु पर्ने रहेको छ ।

सम्झौता अनुसार १ सय ५ दशमलव १० हेक्टरको मात्र रुख कटान गरि बाँकी रहेको ५० दशमलव ४१ हेक्टरमा हरियाली कायम गर्ने उल्लेख गरिएको छ । सगरमाथा आन्तरिक विमानस्थल आयोजना प्रमुख हिमज्योति थापा सहितको टोली अहिले निर्माण स्थलमा रुख छपान तथा कटानको काम थाल्न आएको छ । ३ फागुनदेखि विमानस्थलको सिमाङ्गकन तथा रुख छपानको काम अघि बढाएको परराष्ट्रयमन्त्री डा। नारायण खड्काको सचिवालयका लिला भट्टराईको जानकारी ।

प्रतिक्रिया दिनुहोस्