काठमाडौँ । नेपाली राष्ट्रिय क्रिकेट टोलीका कप्तान एवम् लुम्बिनी लायन्सका मार्की प्लेयर रोहित पौडेलले भोलिबाट हुने नेपाल प्रिमियर लिग (एनपिएल) ले नेपाली क्रिकेटलाई सपोर्ट गर्ने बताएका छन् ।

एनपीएल सुरु हुनुअघि भएको टीयु क्रिकेट मैदानमा भएको एक कार्यक्रममा कप्तान रोहितले आइपीएलले भारतको क्रिकेटलाई सपोर्ट गरेजस्तै एनपीएलले नेपाली क्रिकेटलाई सपोर्ट गर्ने विश्वास व्यक्त गरे ।

‘आइपीएलले जसरी भारतको क्रिकेटलाई सपोर्ट गर्छ, त्यसरी नै एनपिएलले नेपाली क्रिकेटलाई सपोर्ट गर्छ जस्तो लाग्छ मलाई । एनपीएलका लागि हामी सबै एक्साइटेड छौँ,’ उनले भने ।