काठमाडौं ।

दरम खोला हाइड्रो इनर्जी लिमिटेडले आइपिओ बिक्री गर्न नेपाल धितोपत्र बोर्डसँग अनुमति मागेको छ ।

कम्पनीले प्रतिकित्ता १०० रुपैयाँको दरले कुल ३९ लाख ५० हजार कित्ता आइपिओ बिक्री गर्न बोर्डसँग अनुमति मागेको हो । यसमा लक्ष्मी क्यापिटल मार्केटले बिक्री प्रबन्धकको काम गर्नेछ ।

दरम खोला हाइड्रोले बाग्लुङ जिल्लाको गलकोट नगरपालिका ११ मा ९.६ मेगावाट क्षमताको जलविद्युत आयोजना निर्माण गरिरहेको छ । उक्त आयोजनाको निर्माण कार्य ८० प्रतिशत सम्पन्न भइसकेको कम्पनीले जनकारी गराएको छ ।