काठमाडौं ।

मुक्तिनाथ कृषि कम्पनीले आइपिओ निष्कासन गर्न नेपाल धितोपत्र बोर्डबाट अनुमति पाएको छ।

अब कम्पनीले १४ करोड रुपैयाँबराबरको आइपिओ निष्कासन गर्नेछ। अब कम्पनीले १०० रुपैयाँ अंकित दरका कुल १४ लाख कित्ता आइपिओ सर्वसाधारणलाई बिक्री गर्नेछ।

यो कम्पनीको आइपिओ बिक्री प्रबन्धकमा एनआईएमबी एस क्यापिटल लिमिटेड रहेको छ। धितोपत्र बोर्डले यो कम्पनीलाई अन्य समूहमा राखेको छ।

कृषि क्षेत्रमा काम गर्ने उद्देश्यले निजी क्षेत्रको लगानीमा स्थापना भएका कम्पनीमध्ये सर्वसाधारणका लागि यो धितोपत्र निष्कासन पहिलो हुनेछ ।