झापा ।
मेचीनगरस्थित वडा ४ मा नेपाल–भारत सीमाको जङ्गेपिलर हात्तीले भत्काएको छ ।
आलेटुङ्गदेखि माथिल्लो नेपाल–भारतको २६ नम्बरको जङ्गेपिलर हात्तीले भत्काएको हो ।
वडा ४ का वडाध्यक्ष अर्जुन कार्कीका अनुसार सीमामा हात्ती नियन्त्रणका लागि खटिएको र्यापिड रेस्पोन्स टिम (आरआरटी) ले पिलर भत्केको अवस्थामा देखेपछि वडा कार्यालयमा खबर गरेका छन् ।
हात्तीले जङ्गेपिलर पूर्णरुपमा भत्काएर क्षति गरेको छ ।
स्थानीयको प्रयास र वडा कार्यालयको संयोजनमा भारतबाट आउने जंगली हात्तीको क्षति न्यूनीकरण र हात्ती मानव द्वन्द्व व्यवस्थापनका लागि आरआरटी बनाइएको छ ।
वार्ड कार्यालय र सशस्त्र प्रहरीलाई बाहुनडाँगीलाई यस विषयमा आरआरटीले सूचना दिएको उनले बताए ।
पछिल्लो समय बाहुनडाँगी नाका भएर एकैसाथ दुईसय वटासम्म भारतीय हात्ती नेपाल प्रवेस गर्ने गरेका छन् ।
प्रतिक्रिया