काठमाडौं ।

७० हजार रूपैयाँ बोकेको झोला महाकाली नदीमा खसेको छ।

किनमेलका लागि बिहीबार झुलाघाट बजार जाने क्रममा दशरथचन्द नगरपालिका २, देहिमाडौं रजुन्डाकी भागरथी बोहराले बोकेको झोला मौराभीरबाट महाकालीमा खसेको हो।

बोकेको झोला गाडीबाट ओर्लिने क्रममा सडक किनारबाट महाकालीमा खसेको बताइएको छ ।

भागरथी बोहरा बिहीबार किराना पसलको सामान किन्न झुलाघाट गएकी थिइन् ।

सशस्त्र प्रहरी बलको उद्धार टोलीले कम्मरमा डोरी बाँधेर २ सय मिटर तल भिर हुँदै महाकाली नदी किनारसम्म खोज गरे पनि झोला नभेटिएको बताइएको छ ।