काठमाडौं ।

मंगलबार पनि नेपाली बजारमा सुनको भाउ ओरालो लागेको छ ।

सोमबारको तुलनामा मंगलबार सुनको भाउ १३ सय रुपैयाँले घटेको हो ।

हिजो १ लाख ७ हजार ९ सय रुपैयाँमा कारोबार भएको सुन आज १ लाख ६ हजार ६ सय रुपैयाँमा कारोबार हुने नेपाल सुनचाँदी व्यवसायी महासंघले जनाएको छ ।

आज तेजावी सुन १ लाख ६ हजार १ सय रुपैयाँ कायम भएको छ ।

यस्तै आज चाँदीको भाउ पनि घटेको छ । हिजो १३ सय ४० रुपैयाँमा कारोबार भएको चाँदी आज ३० रुपैयाँले घटेर १३ सय १० रुपैयाँमा कारोबार हुने महासंघले जनाएको छ ।

पछिल्लो केही दिन यता सुनचाँदीको भाउ निरन्तर ओरालो लागेको छ । पछिल्लो ६ दिनमा सुन ५२ सयले घटेको छ ।