दाङ ।

दाङमा बसले ठक्कर दिँदा एक पैदलयात्रुको मृत्यु भएको छ।

बिहीबार बिहान पूर्व–पश्चिम राजमार्गअन्तर्गत भालुवाङ बजार क्षेत्रमा काठमाडौंबाट सुर्खेततर्फ जाँदै गरेको ना ७ ख ५९७१ नम्बरको बसले ठक्कर दिँदा कपिलवस्तुको वाणगंगा नगरपालिका– ४ घर भई दाङको भालुवाङमा व्यवसाय गर्ने २४ वर्षीय विजय खनालको मृत्यु भएको हो।

इलाका प्रहरी कार्यालय भालुवाङका प्रमुख प्रहरी निरीक्षक उज्वलबहादुर सिंहका अनुसार आज बिहान १० बजे बाटो काट्दै गरेका विजयलाई बसले ठक्कर दिएको थियो।

बसको ठक्करबाट गम्भीर घाइते भएका उनलाई तत्काल भालुवाङ अस्पताल पुर्‍याउँदा अस्पतालले मृत घोषणा गरिदिएको थियो।

बसका चालकलाई नियन्त्रणमा लिइएको प्रहरीले जनाएको छ ।