काठमाडौं ।

शुक्रबार नेपाली बजारमा सुनको भाउ बढेको छ ।

बिहीबारको तुलनामा शुक्रबार सुनको भाउ तोलामा ६ सयले बढेको हो ।

पछिल्लो एक सातामा सुनको भाउ २९ सयले बढेको छ ।

गत बुधबार १ सय रुपैयाँले भाउ घटेता पनि अन्य दिन भने सुनको भाउ निरन्तर उकालो लाग्यो । आइतबार ३ सय, सोमबार १ हजार, मंगलबार ३ सय, बिहीबार ७ सय र आज शुक्रबार सुनको भाउ ६ सय रुपैयाँले घट्यो ।

हिजो १ लाख ९ हजार ५ सय रुपैयाँमा कारोबार भएको सुन आज १ लाख १० हजार १ सय रुपैयाँमा कारोबार हुने नेपाल सुनचाँदी व्यवसायी महासंघले जनाएको छ ।

आज तेजावी सुन १ लाख ९ हजार ५५० रुपैयाँ कायम भएको छ ।

यस्तै आज चाँदीको भाउ घटेको छ । हिजो १३ सय ५० रुपैयाँमा कारोबार भएको चाँदी आज तोलामा ५ रुपैयाँले घटेर १३ सय ४५ मा कारोबार हुने महासंघले जनाएको छ ।