काठमाडौँ ।

कालिमाटी फलफूल तथा तरकारी बजार विकास समितिका अनुसार आज सुकेको प्याजको थोक मूल्य प्रतिकिलो १४१ रुपैयाँ कायम भएको छ ।

समितिका अनुसार आज थोक बजारमा प्याजको कारोबार उक्त मूल्यमा भइरहेको हो ।

यस्तै, आज रातो आलुको थोक मूल्य प्रतिकिलो ४६ रुपैयाँ र सेता आलुको मूल्य प्रतिकिलो ३८ रुपैयाँ छ । यस्तै, आज ठुलो नेपाली गोलभेँडाको मूल्य प्रतिकिलो ६५ रुपैयाँ हुँदा ठुलो भारतीय गोलभेँडाको थोक मूल्य ८५ रुपैयाँमा बिक्री भइरहेको छ ।

तिते करेला ६५ रुपैयाँ, लौका ५५ रुपैयाँ, परवर ५६ मा कारोबार भइरहेका छन् । घिरौँला ६५ रुपैयाँमा कारोबार हुँदा पाकेको फर्सी ३५ रुपैयाँ प्रतिकिलोमा कारोबार भइरहेको समितिले जनाएको छ ।