पोखरा ।

ठगीसम्बन्धी मुद्दामा कास्कीको पोखरा महानगरपालिका वडा नं.६ का वडा सदस्यसहित चारजना पुर्पक्षका लागि कारागार चलान भएका छन् ।

लेकसाइडको फुटट्रायकमा फोटोग्राफी गर्नेहरुलाई विभिन्न किसिमबाट धम्काई ठगी गरेको अभियोग उनीहरुमाथि छ ।

पोखरा ६ लेकसाइड बस्ने ४१ वर्षका विकास पहारी, सोही ठाउँका वर्ष २२ का प्रवीन विश्वकर्मा, वर्ष २४ का अभिषेक परियार,, अभिषेक बराल र पोखरा ६ खहरे बस्ने ४२ वर्षीय दीपेन्द्र पहारी कारागार चलान भएका हुन् ।

दीपेन्द्र पोखरा महानगरपालिका वडा नं. ६ का वडा सदस्य हुन् । उनीहरु चारै जनालाई पक्राउ गरी ठगी, आपराधिक विश्वासघात तथा आपराधिक लाभसम्बन्धी मुद्दामा अनुसन्धान भएको कास्कीका प्रहरी प्रवक्ता प्रहरी नायब उपरीक्षक श्रवणकुमार विकले जानकारी दिए ।

यसैबीच, पहिल्लो क्रममा पोखरा महानगरका जनप्रतिनिधि विभिन्न अपराधमा मुछिने क्रम बढेको छ । पोखरा २१ का वडाध्यक्ष दीपक सुवेदी सहकारी ठगी मुद्दामा पक्राउ पुर्जी जारी भएपछि फरार हुनुहुन्छ भने पोखरा पोखरा ९ का वडा सदस्य भावना श्रेष्ठ न्यायिक समितिमा घूस लिने काण्डमा मुछिएका छन् ।

पोखरा २४ का वडाध्यक्ष भरतबहादुर अधिकारीलाई कास्की जिल्ला अदालतले साढे चार महिना कैद हुने फैसला भएको गरेको छ । सोही वडाकी सदस्य मैयाँ नेपालीले अधिकारीले जातीय छुवाछूत तथा दुर्व्यवहार गरेको अभियोग उनीलाई छ ।