काठमाडौं ।

नेपाली भ्लगर उमा चाम्लिङ राई भारतको सिक्किममा पक्राउ परेकी छन् ।

भिडियो पोस्टमार्फत साम्प्रदायिक अशान्ति भड्काउने प्रयास गरेको आरोपमा उनी पक्राउ परेकी भारतीय सञ्चारमाध्यमले जनाएका छन् ।

सञ्चारमाध्यमका अनुसार भ्लगर राईलाई सदर प्रहरी स्टेशन गान्तोकले पक्राउ गरेको हो । उनलाई अदालतमा पेश गरी थप अनुसन्धानका लागि पाँच दिन प्रहरी हिरासतमा राख्न अनुमति लिइएको सिक्किम क्रोनिकलले जनाएको छ ।

उनलाई सत्तारुढ सिक्किम क्रान्तिकारी मोर्चाकी सदस्य शिला राईले दिएको उजुरीका आधारमा प्रहरीले पक्राउ गरेको इन्डिया टुडे इनले लेखेको छ ।