भारत । भारतको छत्तीसगढमा गरिएको कारबाहीमा २९ माओवादी मारिएको दाबी प्रहरीले गरेको छ । माओवादीप्रभावित काँकेरको छोटेबेटिया क्षेत्रमा भिडन्तमा उक्त संख्यामा माओवादी मारिएको जनाइएको हो । भिडन्तमा सुरक्षा बलका ३ जवान पनि घाइते भएका छन् । भारतीय माओवादीले यही १९ अप्रिलमा हुने लोकसभा चुनाव बहिस्कारको घोषणा गरेकै बेला यो कारबाही भएको हो । प्रहरीले विज्ञप्ति जारीगर्दै छोटेबेटिया क्षेत्रमा मंगलबार अपराह्न भिडन्त भएको र घटनास्थलबाट २९ माओवादीको शव बरामद गरिएको जनाएको छ।