काठमाडौं । नेपाली कांग्रेसका सांसद दिलेन्द्रप्रसाद बडूले लोकल मदिरा ब्रान्डिङ गर्ने बजेटको योजना राम्रो भएको बताएका छन् ।

नेपालको लोकल मदिरालाई विदेश निर्यात गर्ने गरी सरकार अघि बढ्नुपर्ने उनको सुझाव छ ।

बिहीबार प्रतिनिधि सभाको बैठकमा बोल्दै उनले लोकल रुपमा तराई र हिमालमा परम्परागत रुपमा मदिरा उत्पादन हुने गरेको बताए । त्यहाँ प्रविधि पुर्‍याएर लोकल मदिराको ब्रान्डिङ र मार्केटिङ गर्दै विदेश निर्यात गर्नुपर्नेमा उनले जोड दिए ।