आईसीसी १९ वर्षमुनिको महिला टी–२० विश्वकप क्रिकेट प्रतियोगिताको खेलतालिका सार्वजनिक भएको छ ।अन्तर्राष्ट्रिय क्रिकेट काउन्सिल (आईसीसी) ले दोस्रो संस्करणको प्रतियोगिताका लागि खेलतालिका सार्वजनिक गरेको हो । मलेसियामा हुने प्रतियोगिता आउँदो वर्षको जनवरी १८ देखि फेब्रुअरी २ सम्म सञ्चालन हुनेछ ।

१९ वर्षमुनिको महिला टी–२० विश्वकपमा १६ वटा देश सहभागी हुनेछन् । समूह ‘ए’ मा आयोजक मलेसियासहित भारत, वेस्ट इन्डिज र श्रीलङ्का रहेका छन् । यस्तै समूह ‘बी’ मा इङ्गल्यान्ड, पाकिस्तान, आयरल्यान्ड र अमेरिका रहेका छन् । यसैगरी समूह ‘सी’ मा न्युजिल्यान्ड, दक्षिण अफ्रिका, अफ्रिका छनोटबाट एक र सामोआ तथा समूह ‘डी’ मा अस्ट्रेलिया, बङ्गलादेश, एशिया छनोटबाट एक र स्कटल्यान्ड रहने छन् ।

गएको जनवरीमा भएको पहिलो संस्करणको उपाधि भारतले जितेको थियो । दक्षिण अफ्रिकामा भएको प्रतियोगिताको फाइनलमा भारतले इङ्गल्यान्डलाई ७ विकेटले हराएको थियो ।

यस्ताे छ तालिका–

तस्बिर : आईसीसी