काठमाडौं । उद्योग, वाणिज्य तथा आपूर्ति मन्त्री दामोदर भण्डारीले वर्तमान सरकार जनाताका निराशाहरूको अन्त्य गरि आशा जगाउने बाटोमा अग्रसर रहेको बताएका छन् । आज काठमाडौं आयोजित गौरा पर्व विशेष समारोहलाई सम्बोधन गर्दै उनले वर्तमान समयमा देखिएको आर्थिक मन्दिर, व्यापार घाटा, उद्योग तथा व्यावसायिक क्षेत्रका समस्याहरू सहजीकरण गरि जनतामा देखिएको निराशा हटाउन सरकार लागि परेको बताएका छन् ।

विगतमा सुदूरपश्चिममा मात्रै मनाइने गौरा अहिले मुलुकभित्र मात्रै नभएर मुलुकबाहिर पनि महत्त्व बढ्दै गइरहेको बताएका थिए । भारत, अमेरिका लगायतका देशहरूमा समेत मनाउन थाले पनि यसको मौलिक स्वरूपको विस्तार गर्नुपर्नेमा उनले जोड दिए ।