काठमाडौं । साङ्ग्रिला मोटर्स प्राइभेट लिमिटेडले लिपमोटर सी १० सार्वजनिक गरेको छ । कम्पनीका अनुसार लिपमोटर सी १० नेपाल र युरोपमा एकै साथ सार्वजनिक भएको हो ।

नेपालको बढ्दो विद्युतीय गतिशीलतालाई मध्य नजर राखेर लिपमोटर सी १० सार्वजनिक गरिएको कम्पनीको भनाइ छ ।

लिपमोटर सी १० को अधिकतम खुद्रा मूल्य (एमआरपी) ७२ लाख रुपैयाँ भए पनि अटो सोमा सो गाडी खरिद गर्ने ग्राहकलाई ६९ लाख ९९ हजार रुपैयाँमा उपलब्ध गराउने कम्पनीको भनाइ छ ।

यो गाडीमा स्टार एनक्याप सुरक्षा रेटिङ, ६९.९ किलोवाट ब्याट्री क्षमता, १६० किलोवाट पावर र ३२० एनएम टर्क, ४२० किमी रेन्ज र १९० मिमी ग्राउन्ड क्लियरेन्स फिचरहरू रहेका छन् ।

कम्पनीका अनुसार काठमाडौं, विर्तामोड, वीरगञ्ज, विराटनगर, नारायणगढ, पोखरा सहितका सहरमा उपलब्ध हुनेछ भने भविष्यमा थप सहरमा बजार विस्तार गर्ने योजना रहेको छ ।