काठमाडौं । पेरिस पारा ओलम्पिक २०२४ मा नेपाली पारा तेक्वान्दो खेलाडी भरतसिंह महता पहिलो खेलमै जापानी खेलाडीसँग पराजित भएका छन् ।

भरत पारा तेक्वान्दो के-४४ क्याटगोरीअन्तर्गत पुरुष ५८ केजीमुनिको प्रिक्वार्टरफाइनलमा जापानिस खेलाडी मित्सुया तानाकासँग १९-३ ले पराजित भए ।

भरत वाइल्ड कार्डमार्फत पहिलो पटक पारा ओलम्पिकमा छनोट भएका थिए ।

पेरिस पारा ओलम्पिकमा नेपालबाट तीन खेलाडी सहभागी छन् । जसमा पारा तेक्वान्दोबाट भरतसहित पलेसा गोबर्द्धन र पारा पौडीमा भीमबहादुर कुमाल छन् ।