शनिबार सिंहदरबार परिसरमा आयोजित निजामती सेवा दिवस समारोहमा प्रधानमन्त्री केपी शर्मा ओलीले कर्मचारीहरुलाई सम्मान तथा पुरस्कार वितरण गरेका छन् । निजामती सेवा नियमावली २०५० को नियम ११६क बमोजिम उत्कृष्ट निजामती सेवा पुरस्कार र निजामती सेवा पुरस्कार प्रदान गरिएको हो ।

२०१३ साल भदौ २२ गते निजामती सेवा ऐन जारी भएको दिनको अवसर पारेर हरेक वर्ष भदौ २२ गतेलाई निजामती सेवा दिवसको रूपमा मनाउने गरिएको छ । कार्यक्रममा अघिल्लो वर्ष र यो वर्षका उत्कृष्ट कर्मचारीहरुलाई पुरस्कृत गरिएको छ ।