काठमाडौँ । सुर्खेतको वीरेन्द्रनगर नगरपालिकाले साफ महिला च्याम्पियनसिप-२०२४ अन्तर्गत नेपाल र बंगलादेशबीचको फाइनल खेल प्रत्यक्ष प्रसारण गर्ने भएको छ ।

बुधवार साँझ साढे ६ बजेदेखि सुरु हुने फाइनल खेल वीरेन्द्रनगर नगरपालिकाले सिटी हलमा प्रत्यक्ष प्रसारण गर्न लागेको नगर प्रमुख मोहनमाया ढकाल भण्डारीले जानकारी दिइन् ।उनका अनुसार सिटी हलमा फाइनल खेल हेर्न शुल्क भने लाग्ने छैन । नेपाल सन् २०२२ को फाइनलमा बेहोरेको हारको बदला लिँदै पहिलो पटक साफ महिला च्याम्पियनसिपको उपाधि जित्ने लक्ष्यमा छ ।