काठमाडौं– साताको अन्तिम शेयर बजार बढेर बन्द भएको छ। बिहिबार नेपाल स्टक एक्सचेन्ज (नेप्से) १३.९५ अंकले बढेको हो ।

आज नेप्से ०.५१ प्रतिशतले बढेर २७४८.७८ विन्दु कायम भएको छ । १० अर्ब ३२ करोड ३ लाख ३१ हजार बराबरको २ करोड १६ लाख ६० हजार ६३९ कित्ता शेयर कारोबार भएको छ ।

१५९ वटा कम्पनीको शेयर मूल्य बढेको छ भने ७९ वटा कम्पनीको शेयर मूल्य घटेको छ । ६ वटा कम्पनीको शेयर मूल्य भने स्थिर रहेको छ ।

बिहीबार प्रि–ओपन सेसनमा ४ अंकले बढेर सुरु भएको नेप्से बजार खुलेको केही समयमै माथि गएको थियो । तर, केही बेरमै बिक्रेता हावी भएर बजार घटेको थियो । त्यसपछि पुन: बजार माथि उठेको थियो । आाज बजार एक पटक मात्र रातो देखिएको थियो ।

यस्तै  ६ वटा कम्पनीको शेयर मूल्यमा सकारात्मक सर्किट लागेको छ भने एक वटा कम्पनीको शेयर मूल्यमा नकारात्मक सर्किट लागेको छ ।
आज ३२१ वटा कम्पनी कारोबारमा आउँदा १ लाख १ हजार ५४५ पटक शेयर किनेबेच भएको थियो ।

१३ वटा समूहमध्ये ६ वटा समूह घट्यो भने ७ वटा समूह बढ्यो । आज सबैभन्दा बढी हाइड्रोपावर समूह १.३४ प्रतिशतले बढेर ३ हजार ५७४.०२ विन्दुमा पुग्यो ।

त्यस्तै, वाणिज्य बैंक ०.४४ प्रतिशतले, विकास बैंक १.२१ प्रतिशतले, होटल एण्ड पर्यटन ०.९३ प्रतिशतले, लघुवित्त ०.७७ प्रतिशतले, म्युचुलफण्ड ०.१७ प्रतिशतले र अन्य समूह ०.६३ प्रतिशतले बढेको छ ।

आज सबैभन्दा बढी ट्रेडिङ समूह ०.६२ प्रतिशतले घटेर ३ हजार ५९२.६९ विन्दुमा पुगेको छ । साथै, फाइनान्स ०.०९ प्रतिशतले, लगानी ०.०३ प्रतिशतले, जीवन बीमा ०.०३ प्रतिशतले, उत्पादन तथा प्रशोधन ०.३० प्रतिशतले र निर्जीवन बीमा ०.०८ प्रतिशतले घटेको छ ।