काठमाडौँ । साइबर अपराधको आरोपमा एक महिला पक्राउ परेकी छन् ।

कैलालीको धनगढी उपमहानगरपालिका-१३ की कुमारी जानकी पक्राउ परेकी हुन् । जिल्ला प्रहरी कार्यालय सुर्खेतको सहयोगमा उनलाई सुर्खेतबाट पक्राउ गरी केन्द्रीय साइबर ब्युरो ल्याइएको छ ।

पक्राउ परेकी महिलाविरुद्ध साइबर अपराधको कसुरमा काठमाडौँ जिल्ला अदालतबाट ५ दिनको म्याद लिएर अनुसन्धान अघि बढाइएको ब्युरोले जनाएको छ ।

उनले सामाजिक सञ्जालमार्फत एक महिलाको चरित्र हत्या गरेको आरोप छ । पीडित महिलाले ब्युरोमा जाहेरी दिएपछि प्रहरीले उनलाई पक्राउ गरेको हो ।