काठमाडौँ । काठमाडौँको नक्साल नन्दीकेशर बगैँचा (नारायण चौर) मा मंसिर ८ र ९ गते वुमेन अफ द वर्ल्ड (वाउ) को सातौँ संस्करण आयोजना हुने भएको छ ।

महिला, बालिकाहरू र नन (वाइनेरी (गैर (द्वायसांख्यिक) व्यक्तिले भोगिरहेका समस्या समाधान गर्न आपसी सिकाइ र भोगाइबाट उपाय खोज्ने प्रयासका लागि ब्रिटिस काउन्सिलले काठमाडौँ महानगरपालिका र द वाउ फाउन्डेसन, बेलायतसँगको सहकार्यमा महोत्सव आयोजना गर्न लागेका हुन् ।

महोत्सव आयोजनामा समानता र लैगिंकता बारे आपसी र सिकाइ आदानप्रदान गर्नेछ महोत्सवमा १० हजार बढी व्यक्तिहरूको सहभागिता हुने अपेक्षा गरिएको छ भने महोत्सव प्रवेश निःशुल्क हुनेछ ।

महोत्सवमा काठमाडौँ महानगरपालिकाका उपप्रमुख सुनिता डंगोलले राजनीतिक प्रतिनिधित्व गर्नेछिन्। कथा घेरा थिएटर, कर्णाली कला केन्द्रसहित गायिका कुन्ती मोक्तान, गायिका सुवानी मोक्तान, रचना दाहाल, गौमाया गुरुङसहित २ सयभन्दा धेरै महिला कलाकार सहभागी हुनेछ ।

साथै महोत्सवमा बिहान योग बक्सिङ् हुनेछ । दिनमा चलचित्र प्रदर्शनी, कार्यशाला, अन्तरक्रियात्मक छलफल र संवाद, परामर्श सत्रहरू, प्रदर्शनी, स्थानीय उत्पादन तथा खानाको विक्री, गीत, संगीत, गायन, नृत्य तथा कला प्रस्तुतिसँगै बालबालिकाका लागि विशेष खेल र मनोरञ्जनात्मक कार्यक्रम सञ्चालन हुनेछन् ।

अल्पसङ्ख्यक कलाकार तथा वक्ताहरूलाई समावेशी तथा लैंगिक क्षेत्रमा गरेका कामका विषयमा जानकारी दिने सोच प्रदर्शन तथा धारणा राख्नका लागि अवसर दिनुकासाथै महोत्सवमा सहभागी महिलाहरूले आफ्ना समस्या, दबाब, अभाव र अवसरका विषयमा खुला छलफल हुनेछ ।