काठमाडौँ । पूर्वराज्यमन्त्री एवम् नेकपा (माओवादी केन्द्र)का केन्द्रीय सदस्य पदमबहादुर राईलाई पेरिसडाँडामा अन्तिम श्रद्धाञ्जली दिइएको छ ।

आज बिहान आयोजित श्रद्धाञ्जली सभामा माओवादी अध्यक्ष पुष्पकमल दाहाल ‘प्रचण्ड’ नेता तथा कार्यकर्तालगायतले पेरिसडाँडा पुगेर श्रद्धाञ्जली अर्पण गरेका हुन् । अध्यक्ष ‘प्रचण्ड’ले राईको पार्थिव शरीरमा पार्टीको झण्डा ओढाएर सम्मान गरे ।