काठमाडौँ । मंसिर १५ गतेदेखि हुने नेपाल प्रिमियर लिग (एनपीएल) खेल्न पोखरा एभेन्जर्समा अनुबन्ध भएका चार विदेशी खेलाडी नेपाल आइपुगेका छन् ।

पोखरामा अनुबन्ध भएका स्कटल्याण्डका माइकल लिस्क, नेदरल्याण्ड्सका बास डे लिड, इंग्ल्याण्डका म्याट क्रिट्ले र वेस्ट इन्डिजका रेमन रेइफर बुधबार नेपाल आइपुगेका हुन् ।

उनीहरूलाई स्वागत गर्न पोखरा एभेन्जर्सका टोली विमानस्थल पुगेका थिए ।

अर्का खेलाडी आन्द्रेस गौस भने केही दिनपछि नेपाल आउनेछन् । उनी अहिले आवुधावी टी-१० लिग खेलिरहेका छन् ।

कुशल भुर्तेल मार्की प्लेयर रहेको पोखराका मुख्य प्रशिक्षक राजीव कुमार हुन् । पोखराको मेन्टरको रूपमा दक्षिण अफ्रिकाको जोन्टी रोड्स छन् ।