काठमाडौँ । प्रधान सेनापति अशोक राज सिग्देलले रथी दर्जामा पदोन्नति भएका उपरथी प्रदीप जंग केसीलाई दर्ज्यानी चिन्ह प्रदान गरेका छन् ।

उनी मन्त्री परिषद्को निर्णय बमोजिम २०८१ मंसिर १० गतेको मितिबाट रथी दर्जामा पदोन्नति भएका थिए । पदोन्नतिसँगै रथी केसी बलाध्यक्षमा नियुक्त भएका छन् ।

दर्ज्यानी चिन्ह प्रदान गर्न आयोजित कार्यक्रममा रथी तथा अधिकृतहरूका साथै परिवारजनको उपस्थिति रहेको थियो ।