काठमाडौँ । अमेरिकी सहायक विदेश मन्त्री डोनाल्ड लुले काँग्रेस सभापति शेरबहादुर देउवा र माओवादी केन्द्र अध्यक्ष पुष्पकमल दाहाल ‘प्रचण्ड’लाई भेट्दै छन् ।

भारत, श्रीलंका र नेपाल भ्रमण क्रममा आज काठमाडौँ आइपुगेका लुले प्रधानमन्त्री केपी शर्मा ओलीलाई भेट्ने कार्यक्रम भने तय छैन ।

राजनीतिक स्रोतका अनुसार आइतबार दिउँसो लुले काँग्रेस सभापति शेरबहादुर देउवा र माओवादी केन्द्र अध्यक्ष प्रचण्ड दुवैलाई भेट्ने भएका हुन् । प्रधानमन्त्री ओली भने यही बेला गृहजिल्ला झापा उडेकाले लुसँग उनको भेट हुने छैन ।