बिहीबार दिउँसो मध्य पहाडी लोक मार्गमा बेस्तडा देखी दैलेख बजार तर्फ आउँदै गरेको जिप दुर्घटना हुँदा दुई बच्चासहित ८ जना घाइते भएको जिल्ला प्रहरी कार्यालय दैलेखले जनाएको छ ।

चालक दिपक बोहराको टाउको र निदारमा चोट लागेको प्रहरी कार्यालय दैलेखका प्रमुख प्रहरी नायव उपरीक्षक सुनिल दाहालले जानकारी दिए । घाइतेहरूको जिल्ला अस्पताल दैलेखमा उपचार भइरहेको दाहालले बताए ।

जिप सडक देखी १५/२० मिटर तल खसेको थियो । घट्नाबारे थप अनुसन्धान हुँदै छ ।