काठमाडौँ । सवारी दुर्घटना हुँदा मुगुका जिसस प्रमुख मन्जनबहादुर कार्की घाइते भएका छन् । बिहीबार नवलपुरको कावासोतीमा भएको सवारी दुर्घटनामा परी कार्की घाइते भएको जिल्ला प्रहरी कार्यालय नवलपुरले जनाएको छ ।

प्रहरीका अनुसार पूर्वपश्चिम राजमार्गको कावासोती-१६, चालिस किलो जंगलमा दुम्किबासबाट कावासोती तर्फआउदै गरेको बाग्मती प्रदेश ०६-००१ ख ०२३१ नम्बरको खाली टिपर र काठमाडौँबाट मुगु तर्फ जाँदै गरेको गरेको बा १ झ ९११६ नं. को मुगु जिल्ला समन्वय समितिको सुमो गाडी एक आपसमा ठक्कर खाँदा गाडीमा सवार कार्की घाइते भएका हुन्।

उनको टाउकोमा चोट लागेको र अवस्था मध्यम रहेको प्रहरीले बताएको छ। नवलपुर प्रहरीका अनुसार उनीसँगै चालक मुगु सोरु ३ बस्ने वर्ष २० का भविरा कार्की पनि घाइते भएका छन् । उनीहरूलाई उपचारका लागी काठमाडौँ पठाउने तयारी भइरहेको छ।