काठमाडौं– बोराबोरामा प्याक गरेर ल्याइएको तस्करीको रक्तचन्दन प्रहरीले काठमाडौंको पेप्सीकोलामा बरामद गरेको छ।

उपत्यका अपराध अनुसन्धान कार्यालयको टोलीले मंगलबार साँझ रक्तचन्दनसहित दुई जनालाई पक्राउ गरेको प्रहरी स्रोतले जानकारी दिएको हो।

प्रहरीका अनुसार उनीहरूको साथबाट रक्तचन्दन बरामद गरिएको छ। आज त्यसको नापतौल हुने काम भइरहेको छ।

पक्राउ परेका व्यक्तिमाथि थप अनुसन्धान भइरहेकाले अहिले परिचय नखुलाइएको प्रहरीले जानकारी दिए।