दोलखा । कालिञ्चोक र कुरी उपत्यकासहित माथिल्लो भेगमा शनिबार वर्षातसहित हिमपात भएको छ । कालिञ्चोक, कुरीलगायत उच्च भेगमा दिउँसोदेखि हिमपात भएको हो ।
कालिञ्चोकमा यो वर्ष गत महिना एकपटक मात्रै हिमपात भएको थियो। कुरीका स्थानीय होटेल व्यवसायी रामहरि सिवाकोटीका अनुसार यही रफ्तारले परिरह्यो भने २–४ दिनसम्म जम्ने अवस्था छ। हिमपात भएसँगै कालिञ्चोक मन्दिरको काखमा रहेको कुरी उपत्यकाका होटेल व्यवसायी उत्साही भएका छन्। कुरीस्थित दिकी होटेलका सञ्चालक डम्बरबहादुर तामाङले यसअघि हिउँदमा आएका आन्तरिक तथा बाह्य पर्यटकले हिउँ खेल्ने रहर गरे पनि हिमपात नभएको बताउँदै अब भने केही दिन जम्ने गरि हिउँ परेको बताए।