काठमाडौं– राष्ट्रिय प्रजातन्त्र पार्टी (राप्रपा)का नेता तथा सांसद दीपक बोहोराको निधन भएको छ।

पूर्वमन्त्री समेत रहेका बोहोराको काठमाडौंको ओम अस्पतालमा उपचारका क्रममा निधन भएको उनका स्वकिय सचिव तारामणि चन्दले जानकारी दिए।

उनी रुपन्देही क्षेत्र नम्बर–३ बाट निर्वाचित सांसद हुन्।

पोस्ट कोभिड समस्याले गर्दा उनी अहिले बोल्न नसक्ने अवस्थामा थिए। उनी कोरोना महामारीको दोस्रो लहरमा संक्रमित भएका थिए।

संक्रमणको चार÷पाँच महिनापछि बोहरामा स्वरमा केही परिवर्तन देखिएको थियो।

समस्या थपिएपछि उनी केही समयपछि अमेरिकाको न्यूयोर्क पुगेका थिए। त्यसयता उनी स्पीच थेरापी गर्दै आएका थिए।

उनको घाँटीमा क्यान्सर भएको थियो। उनी चुनावको बेलामा पनि बोल्न नसक्ने अवस्थामा थिए।