मन्त्रिपरिषद बैठकले शिक्षकका माग अनुमोदन गरेको छ। बुधबार साँझ बसेको मन्त्रिपरिषद बैठकले नेपाल शिक्षक महासंघका नौ बुँदे मागलाई अनुमोदन गरेको शिक्षा, विज्ञान तथा प्रविधिमन्त्री रघुजी पन्तले जानकारी दिए।

बुधबार महासंघ र सरकारबीच भएको वार्ता सहमतिमा टुंगिएको थियो। त्यसलगत्तै बसेको मन्त्रिपरिषद बैठकले उक्त सहमति अनुमोदन गरेको हो। यो सहमतिसँगै शिक्षक आन्दोलन रोकिने अपेक्षा गरिएको छ।