रूपन्देही — लुम्बिनी प्रदेशको बुटवल उपमहानगरपालिकामा देशका अन्य उपमहानगरपालिकाहरूको तुलनामा धेरै कम बेरुजु देखिएको छ। हालसम्म उपमहानगरको बेरुजु रकम जम्मा ३ लाख ३८ हजार ३८६ रुपैयाँ मात्र रहेको छ।

हालै सम्पन्न सम्परीक्षणमा थप ८६ हजार ४६० रुपैयाँ बेरुजु देखिएको प्रतिवेदनमा उल्लेख छ। यस्तै, पेस्की फर्छ्यौटको अवस्था पनि अत्यन्त राम्रो रहेको पाइएको छ। उपमहानगरमा जम्मा ३८१ रुपैयाँ मात्र पेस्की फर्छ्यौट गर्न बाँकी रहेको छ।

स्थानीय वित्तीय अनुशासनलाई उदाहरणीय मान्दै अन्य उपमहानगरहरूलाई समेत पारदर्शी र जवाफदेही वित्त व्यवस्थापनमा जोड दिन विज्ञहरूले सुझाव दिएका छन्।