काठमाडौं– विद्युतीय कारोबारमा मुद्दा दायर भएका पत्रकार दिलभूषण पाठक जिल्ला अदालत काठमाडौंमा उपस्थित भएका छन्।

हिल्टन होटलको विषयमा शेरबहादुर देउवा र आरजु राणाका छोरा जयबीरका विषयमा समाचार प्रशारण गरेका कारण लागेको विद्युतीय अपराधमा उनलाई साइबर ब्यूरोमा उजुरी परेको थियो।

पाठकको जिल्ला अदालत काठमाडौँका न्यायाधीश खेमराज भट्टको इजलासमा बयान र थुनछेक बहस हुने भएको हो।

साइबर ब्युरोको अनुसन्धान प्रतिवेदनका आधारमा जिल्ला सरकारी वकिलको कार्यालय काठमाडौँले गत सोमबार उनीविरुद्ध मुद्दा दायर गरेको थियो।

पाठक उपस्थित भएपछि आज बयान र थुनछेकका लागि न्यायाधीश भट्टको ३१ नम्बर इजलासमा पेसी तोकिएको सूचना अधिकार दीपककुमार श्रेष्ठले बताए।