काठमाडौँ । राप्रपाका उपाध्यक्ष मुकुन्दश्याम गिरीलाई विधानविपरीत पदबाट हटाइएको भन्दै तीन जना पदाधिकारीहरूले पुनर्स्थापित गर्न ध्यानाकर्षण गराएका छन् ।

वरिष्ठ नेता उपाध्यक्ष विक्रम पाण्डे, महामन्त्रीद्वय धवलशमशेर राणा र कुन्ती कुमारी शाहले अध्यक्ष राजेन्द्र लिङ्देनलाई स्पष्टीकरणको मौकासमेत नदिई गिरीलाई पदमुक्त गर्ने कुरा प्रजातान्त्रिक छविमा आँच ल्याउने स्वेच्छाचारिता भएको उनीहरूले उल्लेख गरेका छन् ।

‘जीवनको ऊर्जाशील समय पार्टी हितमा व्यथित गरेर गत एकता महाधिवेशन र महाधिवेशन यता महत्त्वपूर्ण भूमिका र जिम्मेवारी निर्वाह गर्नु हुने नेता मुकुन्द श्याम गिरीलाई विधान विपरीत पदमुक्त गर्ने गल्ती सच्याएर, देशभरिका पार्टीका साथीहरूको भावना समेत मध्यनजर गरेर उहाँलाई पूर्ववत् पदमा कायम राख्न पार्टी नेतृत्वको ध्यानाकर्षण गर्दछौँ’, संयुक्त अपिलमा भनिएको छ ।

गिरीलाई शुक्रबार अध्यक्ष लिङ्देनलाई उपाध्यक्षबाट हटाएका थिए ।