काठमाडौँ। प्रधानमन्त्री सुशीला कार्कीले जेनजी आन्दोलनका घाइतेको उपचारमा कुनै कमी हुन नदिन निर्देशन दिएकी छन्।

प्रधानमन्त्री तथा मन्त्रिपरिषद्को कार्यालयमा स्वास्थ्य मन्त्रालयका अधिकारीलाई निर्देशन दिँदै प्रधानमन्त्री कार्कीले यस्तो निर्देशन दिएकी हुन्।

‘स्वास्थ्य सचिव डा. विकास देवकोटा, सचिव डिल्लीराम शर्मा र प्रवक्ता डा. प्रकाश बुढाथोकीसँग जेनजी आन्दोलनका घाइतेको अवस्थाबारे जानकारी लिएको छु,’ प्रधानमन्त्री कार्कीले भनेकी छन्, ‘मैले सम्बन्धित अधिकारीहरूलाई उपचारमा कुनै कमी नहोस् भनेर निर्देशन दिएकी छु।’

उनले उपचारमा संलग्न सबै स्वास्थ्यकर्मीहरू, चिकित्सक, नर्स र कर्मचारीहरूप्रति आभार व्यक्त गरेकी छन्।