आइसिसी पुरुष टी-२० क्रिकेट विश्वकप खेल्ने नेपाली टोली घोषणा भएको छ। नेपाल क्रिकेट संघ क्यानले रोहितकुमार पौडेलको कप्तानीमा १५ सदस्यीय टोली घोषणा गरेको हो।

दीपेन्द्रसिंह ऐरी उपकप्तान रहेको टोलीमा सन्दीप लामिछाने, सोमपाल कामी, करन केसी, कुशल भुर्तेल, आरिफ शेख, आशिफ शेख, ललितनारायण राजवंशी, लोकेश बम, गुल्सनकुमार झा, सन्दीप जोरा, बसिर अहमद, नन्दन यादव र शेर मल्ल समावेश छन्।

टी-२० विश्वकप आगामी फ्रेबुअरी ७ देखि मार्च ८ सम्म भारत र श्रीलंकामा संयुक्त रूपमा आयोजना हुँदै छ।