अस्ट्रेलियामा ‘गलबन्दी नाइट’ साङ्गीतिक कार्यक्रम हुने भएको छ । यही जनवरी २३ तारिखबाट उक्त कार्यक्रमको आयोजना हुन लागेको हो । कार्यक्रममा चर्चित गायिका समीक्षा अधिकारीको विशेष प्रस्तुति रहनेछ ।

कार्यक्रममा समीक्षाको अलावा अभिनेता आमेश भण्डारी र गायक/सङ्गीतकार सुवास खत्रीको पनि प्रस्तुति रहनेछ । सुवास खत्री पछिल्लो समय चर्चामा रहेको गीत शिरमा शिरबन्दी’का कारणले चर्चामा छन् ।

कार्यक्रम स्टडी वाइज एजुकेसन कन्सल्टेन्सीको प्रस्तुतिमा नेभा बिजनेस सर्भिसेस प्रा.लि र पाल्पा इन्टरटेनमेन्टले आयोजना गर्न लागेको हो । आयोजकका अनुसार कार्यक्रम ग्राण्ड प्यालेस फङ्सन, परामाटा रोड, अर्बनमा हुन लागेको हो ।

कार्यक्रमको उद्देश्य नेपाली मौलिक गीत–संगीत र सांस्कृतिक मनोरञ्जनलाई प्रवर्द्धन गर्ने रहेको छ ।