काठमाडौं । नेपाल आईसीसी टी–२० अन्तर्राष्ट्रिय वरियतामा दुई स्थान सुधार गर्दै १४औं स्थानमा उक्लिएको छ ।

आईसीसीले शुक्रबार सार्वजनिक गरेको अद्यावधिक वरियताअनुसार नेपाल १६औं स्थानबाट दुई स्थान माथि उक्लिँदै १४औं स्थानमा पुगेको हो ।

जापानको नागोयामा जारी एसियाली खेलकुदअन्तर्गत शुक्रबार भएको खेलमा नेपालले अफगानिस्तानलाई ५ विकेटले पराजित गरेको थियो । त्यसपछि गरिएको वरियता अद्यावधिकमा नेपालको स्थान सुधार भएको हो ।

खेलमा पहिले ब्याटिङ गरेको अफगानिस्तानलाई नेपालले २० ओभरमा ७ विकेटको क्षतिमा १०२ रनमा रोकेको थियो । १०३ रनको लक्ष्य नेपालले १७.२ ओभरमा ५ विकेट गुमाएर पूरा गरेको थियो ।

नेपालले अब समूह चरणको अन्तिम खेलमा शनिबार जापानसँग प्रतिस्पर्धा गर्नेछ ।