काठमाडौँ। बाढीको कारण डुबान परेका बस्तीमा उद्धार गर्न भन्दै ललितपुर महानगरपालिकाले डुङ्गा किन्ने भएको छ । ललितपुर महानगरका प्रमुख चिरीबाबु महर्जनले ललितपुरको एक कार्यक्रममा महानगरले छिट्टै डुङ्गा किन्ने जानकारी दिएका हुन् ।

‘कार्यपालिका बैठकले छिट्टै निर्णय गरेर डुङ्गा किन्छौ, अब चाडपर्व सकिने बित्तिकै डुङ्गा किन्ने तयारी छ’ नगर प्रमुख महर्जनले भने । उनले डुङ्गा किनेपछि नगर प्रहरीलाई तालिम दिने व्यवस्था समेत भएको बताए। महानगरले डुङ्गा किनेर महानगरको विपद् व्यवस्थापन केन्द्रमा राख्ने बताए ।

असोज दोस्रो साता आएको बाढी र पहिरोको बेला ललितपुर महानगरपालिकाले पाँच वटा पम्प किनेर घरभित्र पसेको पानी निकालेको थियो । यस्तै हिलो माटो निकाल्न सशस्त्र प्रहरीले सहयोग गरेको थियो ।